Ang Aso ng Kapitbahay Ko, May Breeding

Tinatawag ko siyang Hirschberger.  Poreyn na poreyn ang alias nya di ba?  Dalawang kulay ang balahibo. Hindi malaki, hindi maliit.  Ang pagkain niya lagi ay buto ng manok, kanin, at kung ano ano pa.  Dahil marami siyang pulgas, pinapaliguan ko siya ng Rejoice shampoo at sinusuklayan.  Pag tumahol siya, maririndi pati mga nakalibing na aso sa court.

Siya si Hirschberger.  Yan ang aso ko at wala siyang breeding! Simpleng askal.

Yung kapitbahay namin, meron din silang aso!  Ang laki laki at ang ganda ganda.  Pati pusa nahuhulog sa bubong pag nakikita yun.  Ginto ang kulay ng balahibo, walang epek ang gravity sa tenga, at nagsusumigaw na silver dog tag ang nasa leeg nito.  Yun ang aso ng kapitbahay namin.  May breeding.

Minsan magkasabay kami ng kapitbahay ko kasama ang aso niyang may breeding para igala namin ang mga aso namin. Habang ang mga taong makakasalubong namin ay tititig at gusto pang i-hug ang aso ng kapitbahay kong may breeding, yay, ang asong may breeding ng kapitbahay ko.

Buti pa yung kapitbahay ko, maganda yung aso niya. Pwede niyang pagkakitaan at pwede niya ipagmalaki sa buong neyborhood. Kaya bumili ako ng jobus para paliguan ng kulay blue ang aso ko para magmukhang poodle terrier. Sobra sobra sa breeding! Pero lumipas ang panahon, asong askal ulit ang aso ko.

Minsan naglalakad ako para kuhain ang epektus sa kaibigan ko! Tapos may mamang lalakeng tinulak ang kaliwang parte ng balikat ko. Nakainom siya kaya alam ko na ang mangyayari. Away away na’to!

Sinara ko ang kamay ko, naghanap ng maipambabato ng biglang! ayun, kinagat na ni Hirschberger ang kaliwang mata ng mamang lasing. Sumirko sirko ang cervical spine ng nakainom. Panigurado, di na siya lasing pag bangon niya.

Nakatayo lang ako doon, pinagmamasdan kung paano ako iligtas ng isang kaibigan. Nakatunganga sa isang pangyayaring ako dapat ang nagtanggol sa sarili ko. Ang aso kong askal, walang breeding pero dito ko naramdaman na mahal ko talaga ang aso ako!

Ito ang natutunan ko, hindi mo pala kailangan maging perpekto para mahalin ka. Kaya ka nasusugatan dahil normal yun. Hindi mo kailangan maging isang modelo para mahanap ang tunay na magmamahal sa iyo. Hindi mo kailangan ng magagandang damit para ibigay sa iyo ng tadhana ang taong kukumpleto sa iyo.

Kailangan mo lang maging ikaw.

Para sa mga kaibigan kong single: jason, alvin, rhona, allen, mon, muffie, lovely, joycee! teka, single ka ba? magreklamo ka para maidagdag kita!

atsaka, hindi ako si pating. Ayos yung mga aso ko di ba? May black, may brown at may white.